Tumhari manzil

Andhere me simat kar bujh jaya karte hain wo dipak jinme saari raat jalne ka hausla nahi hota
Tum aage badh kar to dekho tumhare saath hazaaron sitaare chamak uthenge
Tumhare kadamo ki aahat se jaane kitne musafir jaag uthenge
Jo toot chuke the, thak chuke the, tumhara saath paakar apni manzil tak jaa pohuchenge
Tumhari manzil to in thake huye musaafir se bhi kahi aage hain
Tumse raasta poochh kar jaane kitne musaafir apni manzil tak pahuchenge
Tumhari manzil beshak inse dur hain abhi.... kyuki tumhari manzil safalta ki aakhri sidhi pe hain.....

Jeevan ki kitaab

Tum jeevan k abhi pehele padaav pe ho 
Jeevan ki khatti-mithi yaado se jude ho
Kayi khushi kayi gum k palo mein jiye ho
Ye pehli pathshaala hain jeevan ki
Tum jeevan k pehele adhyaaye se jude ho
Tumhe to abhi jeevan ka pura paath padhna hain
Tum abhi kis dhund mein ulajh kar rahe gaye ho
Tum uth kar rakh do jeevan k saare kadve anubhavo ko abhi kisi kone mein
Dekho jeevan k doosre adhyaaye mein kya hain
Ek-ek kar bharte chalo jeevan k kore kagaz mein rango ki bahaaro ko
Ant mein dekhna tum apne jeevan ki kitaab k har kone ko
Tumhe khud yakeen nahi hoga tumne apne jeevan ki khaali kitab mein kitni khubsurat tasveer banai hain
Tum choom loge apni hatheliyo ko tumne taaveer hi nahi
Apni takdeer bhi khud banai hain...